aya 3ala slemetkom ; elyoum manich 3aref 3lech hakka men sbè7 rabbi wena n5ammem fi baba 3zizi allah yara7mou ew ayamèt el9erouèn mta3 zmèn 9bal bien sure ma yaghzouha bnou hilèl ,ama banou hilèl mta3 tawa mouch banou hilèl mta3 9bal , hakecha3b elli saybou aradhihom weflè7et'hom ew denyet'hom ew 5irhom we5dharhom weddenya la7lowa elli ena kont dima nchi5 3leha kif natla3 ma3 3zizi lessenya mte3ou...hajme3a hedhom saybou haddenya elli kont na7ki 3liha bech yahbtou 9al chnowa lettamaddon "ecivilisation" ...ye5i rassatelhom etmat3ou ew mat3ouna m3ahom bettamaddon mta3 el ejram ew 9ellet la7yè weddin mte3hom 7atta asb7èt madinat al9ayrawèn elli hya 3alamyan ma3roufa 3asma islamya ,ma7allyan 3asma ijramya...
aya sayeb 3lina men halklèm hedha ew narj3ou la7dithna 3ala 3zizi elli kenou y3aytoulou "si ali"welli kèn prof mta3 technique ma3rouf barcha wech ta3ref enti prof fi hakelwa9t wezmèn...
kont ya sidi wena sghir el3outal mte3i elkoll n3addihom ba7dheh fi hakeddar el3arbi elli ltawa mawjouda ew ma7leha bes9ifet'ha ew soddarha ew birha ew mejelha wa kelbèb el3arbi ew ew ...
kèn esbè7 kif y9oum yemchi elbit le93ad wetjih nana,allah yba9iha eb5ir, ebhakel bri9 wessinya ew ta3mallou etwalèt mte3ou wet7ajjamlou le7ytou ew ba3d tjiblou ftourou fi tba9 ,9hywa 3arbi ew ya emma ka3k mdawar men kouchèt el3arrak wa ella ftayer men 3and el3az3ouzi kenou y9aymouni ena bekri bech nemchi njibhom ew yelzem kif yfi9 baba ali yal9ahom 7adhrin wa ella 7lou 3arbi dyèri elli kenou 5alèti ew ommi dima yemrjou fih 3lih 3ala 5ater kèn 3andou essokker ; ama barra 3ad chouf achkoun kèn ynajjam yetkallam barcha wa ella ychedd s7i7 ma3 baba ali ,ti howa 7atta elli ykalmou mel lekbar kèn yetkallam ew rassou chtar mtabbas...aya ykammal 9ahoutou ew ba3d ylabsouh kif elbay ,elbed3ya welfaremla wejjebba welbarnouss yleffouhoulou 3ala ketfou wencheddou ethnya lel artisanat mte3ou 3ala 5ater ena kif 5lat 3ala baba ali 5lat 3lih retraité ew ahawka 3ala 5ater howa mouch men hakennèss elli y7eb 9a3det eddar walla maya3mel chay ahawka 7al artisanat fi 9alb essou9...
kif nemchyou famma zouz thneyèt ken yjibhom ya emma yjib 3ala sab3a laftèt(hedhi tri9 dhaye9 fih sab3a dourat fi jorret ba3dh'hom hadheka 3lech sammèweh " sab3a laftèt") ew ba3d yet3adda elmarchi el7addadine bech ywassi 3ala el l7am men 3and jazzarou 3ammek 3mèmou ew menha no5rjou 3ala erba3 ew barrouta nal9aw rwè7na fessou9 9oddèm l'artisanat wa ella idha ma3andou chay felmarché , njibou 3ala elmarr ew mennou lessou9 douga douga wena wrah sèket 7atta nouslou lel artisanat,kèn kallamni njèweb chtar kelma ew kèn makallamnich hani sèket 3ala 5ater ma3 3zizi elkelma ba7sebha malgrés elli kèn fadlèk m3ana esghar ...
kif nouslou lel artisanat kèn etta9s behi y5arrajlou essana3 korsi 9oddem el7anout yo93od fih ew kenou yjyweh as7abou yo9o3dou ba7dhèh ew kèn etta9s hakka walla hakka yod5oll lel ma9soura yejbed krarsou weychedd 7sabètou weymakkanni ena fi des exercices mta3 math walla physique wey7asebni 3lihom ba3d bechoklata walla echamya walla ghirou...
ew kèn 3ad hakessou9 mouch elli tchoufou fih tawa , kèn melli tod5oll lessou9 kèn si flèn ew si faltèn wennèss elkoll ta3ref b3adh'ha men 7anout si hamda 7mema mta3 la7lib 7atta lel frigui mta3 eddo5an weljarayed mourouran betbi3a eb 3ammek elmakki mta3 ellou3ab ew mar le9machèt mta3 awlèd el allani wessadfi enna7ass wessyeyghya mta3 bouden wel 7ajri wel allani ew 3ammek bachir el 3issèoui el5attat ew 3ammek esghayer el7ajjèm wettahar en meme temps ew 9ahwèt 7assanèt elli mathlou fiha la guerre des etoiles ew maktabet 3ammek salem elfajji ew 7anout essgni mta3 elma9roudh ew 7anout edhib el3attar ew patisserie ghamissou ew 7anout kmicha mta3 edbach wem9abelha l'artisanat mta3 elfourati ew makatabet el3ajra ew pharmacie edhib ...hedhom aham mafamma wenchallah yssam7ouna elli madhkarnahomchi sahwan ...
kenou erjel elkbayrya koll we7ed 3andou cheltou yjyou yo9o3dou ba7dhèh ew kènou les jeunes 7ad fihom idha ma3andouch 9adhya mayet3adda messou9 bech maychoufou 7ad ew surtout idha m3ah chkoun ghayr marghoub fih men as7abou 3and waldih wa ella yetkayef ama ensè makonnech ntal3ouhom nchoufou kèn essefseri yet7arrak werrass mtabbass wel5atwa et3ajjal ...ew kènet elkelma elli mach'houra yesser 3and elmet3eddine elli dima nasma3ha hya " yar7am si walla 3ammi flèn" werra7ma 3anna kènet tet9al 3al7ay welmayet ew kif may9oulou ra7mèt el7ay 5ir men ra7mèt elmayet...ew ma3 el3achra walla le7dech mta3 enhar yet3adda ben cha3bèn ynabbah 3ala achkoun dfintou nharet'ha( ew yebda eb hakelkelmèt elli 7fadhnehom"so7ana man lè yan9adhi dawamouh , sob7ana man hadhihi a7kemouh, ya dhawi el3ou9ouli wal adab ......man arada menkom al ajra wathawèb falya7dhari essalèt 3ala flèn leflèni...") ew ahawka 7aja wa7wijtin bech la3bèd ta3ref achkoun twaffa ew yemchyou y3adhmou lajr wey9oumou belwèjeb ew bech mayghfel 7ad 3ala 7ad ew bech tetfakkar ennèss elli rahi eddenya fiha elmout ew madeyem kèn rabbi...
ama elyoum essou9 melli tod5ollou tal9a kèn ezwafrya ew baznesset etourist welklèm ezzeyed welkofr ew 9ellet la7yè wa7wènet lekbarat 5dhewha 3bèd mana3rfouhomchi ew ma93ad menhom kèn elba3dh lin elwe7ed tawa madhabih mayet3addech messou9 elli kèn echarm mta3 lebled (ama mouch lel asbèb elli dhkart'ha bekri) ew ben chaabèn kif yet3adda fi 3oudh la3bèd ta5cha3 wallèt tetmanyek ;essou9 tawa walla 3erret leblèd ew kèn 7youtou jèt tnajjam rahi tarb9et 3alli fih bech matchoufech echay elli sayer fih tawa ...
mchè baba ali wemchèt m3ah hakellayamèt la7lowa elli 3echneha m3ah wemchèt el9erwèn mta3 zmèn bech tji 9erwèn mta3 tawa elli 7amdoullah elli habtoulha manajmouch ymadnou el athar elli fiha ew som3èt jema3 lekbir ew sour lemdina el3arbi ew ladhèn elli tasm3ou bessif 3lik fi koll wa9t wessana3 mta3 3zizi allah yara7mou howa elwa7id elli t3allam 3ala baba ali ew kif twafa 7all l'artisanat mte3ou we93adt lelyoum win nrawa7 lel9erwèn na3mel el parcours howa howa elli kont na3mlou ma3 baba ali ew nebda netfakkar fi koll 5atwa 5tit'ha m3ah ew koll 7aja 3allamhèli ew nebda nra7am 3lih wen3awed wenra7am 3ala el9erwèn mta3 zmèn...
allah yara7mek ya baba ali...
hedha fsayel men 9erwèn zmen tawa n5allikom b5ir ew mab9ali kèn n9oulelkom
nchallah nharkom blog
aya sayeb 3lina men halklèm hedha ew narj3ou la7dithna 3ala 3zizi elli kenou y3aytoulou "si ali"welli kèn prof mta3 technique ma3rouf barcha wech ta3ref enti prof fi hakelwa9t wezmèn...
kont ya sidi wena sghir el3outal mte3i elkoll n3addihom ba7dheh fi hakeddar el3arbi elli ltawa mawjouda ew ma7leha bes9ifet'ha ew soddarha ew birha ew mejelha wa kelbèb el3arbi ew ew ...
kèn esbè7 kif y9oum yemchi elbit le93ad wetjih nana,allah yba9iha eb5ir, ebhakel bri9 wessinya ew ta3mallou etwalèt mte3ou wet7ajjamlou le7ytou ew ba3d tjiblou ftourou fi tba9 ,9hywa 3arbi ew ya emma ka3k mdawar men kouchèt el3arrak wa ella ftayer men 3and el3az3ouzi kenou y9aymouni ena bekri bech nemchi njibhom ew yelzem kif yfi9 baba ali yal9ahom 7adhrin wa ella 7lou 3arbi dyèri elli kenou 5alèti ew ommi dima yemrjou fih 3lih 3ala 5ater kèn 3andou essokker ; ama barra 3ad chouf achkoun kèn ynajjam yetkallam barcha wa ella ychedd s7i7 ma3 baba ali ,ti howa 7atta elli ykalmou mel lekbar kèn yetkallam ew rassou chtar mtabbas...aya ykammal 9ahoutou ew ba3d ylabsouh kif elbay ,elbed3ya welfaremla wejjebba welbarnouss yleffouhoulou 3ala ketfou wencheddou ethnya lel artisanat mte3ou 3ala 5ater ena kif 5lat 3ala baba ali 5lat 3lih retraité ew ahawka 3ala 5ater howa mouch men hakennèss elli y7eb 9a3det eddar walla maya3mel chay ahawka 7al artisanat fi 9alb essou9...
kif nemchyou famma zouz thneyèt ken yjibhom ya emma yjib 3ala sab3a laftèt(hedhi tri9 dhaye9 fih sab3a dourat fi jorret ba3dh'hom hadheka 3lech sammèweh " sab3a laftèt") ew ba3d yet3adda elmarchi el7addadine bech ywassi 3ala el l7am men 3and jazzarou 3ammek 3mèmou ew menha no5rjou 3ala erba3 ew barrouta nal9aw rwè7na fessou9 9oddèm l'artisanat wa ella idha ma3andou chay felmarché , njibou 3ala elmarr ew mennou lessou9 douga douga wena wrah sèket 7atta nouslou lel artisanat,kèn kallamni njèweb chtar kelma ew kèn makallamnich hani sèket 3ala 5ater ma3 3zizi elkelma ba7sebha malgrés elli kèn fadlèk m3ana esghar ...
kif nouslou lel artisanat kèn etta9s behi y5arrajlou essana3 korsi 9oddem el7anout yo93od fih ew kenou yjyweh as7abou yo9o3dou ba7dhèh ew kèn etta9s hakka walla hakka yod5oll lel ma9soura yejbed krarsou weychedd 7sabètou weymakkanni ena fi des exercices mta3 math walla physique wey7asebni 3lihom ba3d bechoklata walla echamya walla ghirou...
ew kèn 3ad hakessou9 mouch elli tchoufou fih tawa , kèn melli tod5oll lessou9 kèn si flèn ew si faltèn wennèss elkoll ta3ref b3adh'ha men 7anout si hamda 7mema mta3 la7lib 7atta lel frigui mta3 eddo5an weljarayed mourouran betbi3a eb 3ammek elmakki mta3 ellou3ab ew mar le9machèt mta3 awlèd el allani wessadfi enna7ass wessyeyghya mta3 bouden wel 7ajri wel allani ew 3ammek bachir el 3issèoui el5attat ew 3ammek esghayer el7ajjèm wettahar en meme temps ew 9ahwèt 7assanèt elli mathlou fiha la guerre des etoiles ew maktabet 3ammek salem elfajji ew 7anout essgni mta3 elma9roudh ew 7anout edhib el3attar ew patisserie ghamissou ew 7anout kmicha mta3 edbach wem9abelha l'artisanat mta3 elfourati ew makatabet el3ajra ew pharmacie edhib ...hedhom aham mafamma wenchallah yssam7ouna elli madhkarnahomchi sahwan ...
kenou erjel elkbayrya koll we7ed 3andou cheltou yjyou yo9o3dou ba7dhèh ew kènou les jeunes 7ad fihom idha ma3andouch 9adhya mayet3adda messou9 bech maychoufou 7ad ew surtout idha m3ah chkoun ghayr marghoub fih men as7abou 3and waldih wa ella yetkayef ama ensè makonnech ntal3ouhom nchoufou kèn essefseri yet7arrak werrass mtabbass wel5atwa et3ajjal ...ew kènet elkelma elli mach'houra yesser 3and elmet3eddine elli dima nasma3ha hya " yar7am si walla 3ammi flèn" werra7ma 3anna kènet tet9al 3al7ay welmayet ew kif may9oulou ra7mèt el7ay 5ir men ra7mèt elmayet...ew ma3 el3achra walla le7dech mta3 enhar yet3adda ben cha3bèn ynabbah 3ala achkoun dfintou nharet'ha( ew yebda eb hakelkelmèt elli 7fadhnehom"so7ana man lè yan9adhi dawamouh , sob7ana man hadhihi a7kemouh, ya dhawi el3ou9ouli wal adab ......man arada menkom al ajra wathawèb falya7dhari essalèt 3ala flèn leflèni...") ew ahawka 7aja wa7wijtin bech la3bèd ta3ref achkoun twaffa ew yemchyou y3adhmou lajr wey9oumou belwèjeb ew bech mayghfel 7ad 3ala 7ad ew bech tetfakkar ennèss elli rahi eddenya fiha elmout ew madeyem kèn rabbi...
ama elyoum essou9 melli tod5ollou tal9a kèn ezwafrya ew baznesset etourist welklèm ezzeyed welkofr ew 9ellet la7yè wa7wènet lekbarat 5dhewha 3bèd mana3rfouhomchi ew ma93ad menhom kèn elba3dh lin elwe7ed tawa madhabih mayet3addech messou9 elli kèn echarm mta3 lebled (ama mouch lel asbèb elli dhkart'ha bekri) ew ben chaabèn kif yet3adda fi 3oudh la3bèd ta5cha3 wallèt tetmanyek ;essou9 tawa walla 3erret leblèd ew kèn 7youtou jèt tnajjam rahi tarb9et 3alli fih bech matchoufech echay elli sayer fih tawa ...
mchè baba ali wemchèt m3ah hakellayamèt la7lowa elli 3echneha m3ah wemchèt el9erwèn mta3 zmèn bech tji 9erwèn mta3 tawa elli 7amdoullah elli habtoulha manajmouch ymadnou el athar elli fiha ew som3èt jema3 lekbir ew sour lemdina el3arbi ew ladhèn elli tasm3ou bessif 3lik fi koll wa9t wessana3 mta3 3zizi allah yara7mou howa elwa7id elli t3allam 3ala baba ali ew kif twafa 7all l'artisanat mte3ou we93adt lelyoum win nrawa7 lel9erwèn na3mel el parcours howa howa elli kont na3mlou ma3 baba ali ew nebda netfakkar fi koll 5atwa 5tit'ha m3ah ew koll 7aja 3allamhèli ew nebda nra7am 3lih wen3awed wenra7am 3ala el9erwèn mta3 zmèn...
allah yara7mek ya baba ali...
hedha fsayel men 9erwèn zmen tawa n5allikom b5ir ew mab9ali kèn n9oulelkom
nchallah nharkom blog
0 commentaires:
Enregistrer un commentaire